Қазақстандағы “батыс дербиі” атанып кеткен матч. Жалпы, “Атырау” “Ақтөбені” жеңбегеніне бақандай 6 жыл өтіп кеткен екен. Ал Қобыландыда мүлдем жеңіп көрмеген.

Бірақ кез-келген статистиканың бұзылатын күні болады. Рекордтар да жаңартылып жатады. Оның үстіне бұл “мүмкін емес” нәрсе емес.

😬 “Ақтөбеде” проблема шаш етектен. Лазареттегі ойыншыларды бір команда құрастырып алуға болады. Оның үстіне 3 күн бұрын өте ауыр 120 минуттық матч өткізіп, ақыры жеңіліп тынды.

Ақтөбенің орталық стадионында қарсыластарға қиын болады деп жатады, меніңше керісінше оңай сияқты. Әсіресе “Ақтөбенің” қарсылас бапкеріне, мотивациялық сөз құрап қажеті жоқ, бәрі бәрін түсінеді.

Қазақстандағы көп ойыншысы осы Қобыландыда ойнауды армандайды екен. Сондықтан жеңу үшін барын салатыны түсінікті.

Ал “Ақтөбе” ойыншыларына қысым арта түспек. Әдетте 12 400 билет 30 минутта сатылып кететін, қазір қарадым бос орындар бар екен. Шамамен 200 орындай. Ақтөбеде болмаған жағдай.

Бәрібір алаң иелері қолдаусыз қалмайды. Дегенмен де чемпионатта небәрі 5 гол өткізген, қорғанысы мығым командаға “Ақтөбе” қалай гол салады екен?!

🙂 Әй, ашық қақпаға гол сала алмайтын жалғыз шабуылшың бар, тіпті пенальти де салмады ғой 😮

Өз қақпасына гол салмай жүргеніне шүкір дейміз, әйтпесе ондай жағдай болған “Ақтөбе” тарихында - Сергей Остапенко “Ақтөбе” сапындағы ең алғашқы матчында “Тараз” пайдасына автогол ұрған-тын.

👉Сондықтан бүгінгі бәс өте түсінікті.
“Атырау” кемі жеңілмейді.

Ақтөбе - Атырау матчына болжамдар